FIFA joriy yilning 21-iyun kuni Nijniy Novgorod shahridagi stadionda bo‘lib o‘tadigan Argentina—Xorvatiya bahsini o‘zbekistonlik Ravshan Ermatov boshchiligidagi hakamlar boshqarib borishini ma’lum qildi. Bu haqda tashkilot rasmiy sayti xabar berdi.
Qanotlarda Ermatovga o‘zbekistonlik Abduhamidullo Rasulov va Jahongir Saidov yordam beradi. Zaxira hakami taitilik Norbert Xauata.
Shu tariqa, Ermatov Jahon Chempionatlaridagi boshqargan o‘yinlari soni bo‘yicha o‘zi o‘rnatgan rekordni yangilaydi. Bugunga qadar Ermatov mundial final bosqichlarida 9 ta uchrashuvni boshqargan edi.
Izoh (0)