ФИФА жорий йилнинг 21 июнь куни Нижний Новгород шаҳридаги стадионда бўлиб ўтадиган Аргентина—Хорватия баҳсини ўзбекистонлик Равшан Эрматов бошчилигидаги ҳакамлар бошқариб боришини маълум қилди. Бу ҳақда ташкилот расмий сайти хабар берди.
Қанотларда Эрматовга ўзбекистонлик Абдуҳамидулло Расулов ва Жаҳонгир Саидов ёрдам беради. Захира ҳаками таитилик Норберт Хауата.
Шу тариқа, Эрматов Жаҳон Чемпионатларидаги бошқарган ўйинлари сони бўйича ўзи ўрнатган рекордни янгилайди. Бугунга қадар Эрматов мундиал финал босқичларида 9 та учрашувни бошқарган эди.
Изоҳ (0)