AQSh prezidentining qizi Ivanka Tramp hamda uning turmush o‘rtog‘i 2017-yilda ivestitsiyalar va biznes-bitimlar sabab 82 million dollar ishlab oldi. Bu haqda Oq uy tomonidan e’lon qilingan ma’lumotlarga asoslanib, Forum Daily xabar berdi.
Ma’lumotlarga ko‘ra, Ivanka Tramp Vashingtondagi Trump International mehmonxonasi orqasidan 3,9 million dollar ishlagan. Shuningdek, yana 2 million dollarni Trump Organization’dan kelib turadigan maoshi va dam olish kuni uchun to‘lanadigan yordam pullari orqasidan, yana 5 million dollarni trass fondi orqali ishlashga muvaffaq bo‘lgan.
Jared Kushner asosiy daromadini esa bir nechta shtatlardagi, xususan, Nyu-York, Nyu-Jersi, Merilend, Illinoys, Ogayo va Konnektikutdagi ko‘chmas mulklari hisobidan ishlab topgan. U mazkur obyektlarni ijaraga berish orqali millionlab daromad ko‘rgan.
Shuningdek, Kushnerning Brooklyn Beer kompaniyasida, Las-Vegasdagi Thrive Capital Management kompaniyasida, akasi Josh Kushner tomonidan asos solingan investitsiya firmasida ulushi bor.
Er-xotin birgalikda 200 dan ortiq kompaniya va tashkilotlarda turli lavozimlarni egallagan. Shunga qaramay juftlikning umumiy miqdorda 27 milliondan 135 million dollar oralig‘ida qarzi mavjud.
Izoh (0)