Tramp va Kim Chen In bir-birlarining mamlakatlariga tashrif bilan borishga rozi bo‘ldi

AQSh prezidenti Donald Tramp va Shimoliy Koreya rahbari Kim Chen In tashrif haqidagi ikki tomonlama taklifni qabul qildi, deb yozadi “Gazeta.ru”.

“Hurmatli oliy rahbar (Kim Chen In) prezident Trampni qulay vaqtda Pxenyanga tashrif buyurishga taklif qildi va prezident Tramp ham Davlat kengashi raisi Kim Chen Inni AQShga tashrif buyurishga taklif qildi”, — deyiladi Koreya Markaziy telegraf agentligi xabarida.

Ta’kidlanishicha, mamlakatlar yetakchilari takliflarni mamnuniyat bilan qabul qilgan, chunki bu, ularning fikricha, Vashington va Pxenyan aloqalarini yaxshilashga yordam beradi.

Shuningdek, agentlik Singapurdagi AQSh va KXDR sammitini dunyo hamjamiyatining “qizg‘in ko‘magi bilan” o‘tgan “buyuk” voqea deb atadi.