Rossiyaning “Nikol-Pak” mas’uliyati cheklangan jamiyati Angren Pack kompaniyasi aksiyalarining 53 foizini sotib oldi. Bu haqda Spot xabar bermoqda.
Xarid 5-iyun kuni amalga oshirildi, uning summasi ma’lum qilinmadi.
Angren Pack O‘zbekiston qog‘oz sanoatining yetakchi korxonalaridan biri. Kompaniyaning ishlab chiqarish quvvati yiliga 100 ming tonna qog‘oz va 120 million kvadrat metr gofrokartondan iborat.
Korxona xorijiy investitsiyali aksiyadorlik jamiyati bo‘lib, 2011-yilda nazorat paketi Chexiyaning Paper Mill Holding kompaniyasi tomonidan sotib olingandi.
“Nikol-Pak” aynan unga tegishli 215 600 aksiyani xarid qilgan ko‘rinadi.
Izoh (0)