Time jurnali 11-iyunda sotuvga chiqadigan The Drone Age (“Dronlar davri”) soni uchun dronlar aks etgan muqovani tayyorladi, deb yozadi Buro 24/7. Muqovani yaratishda Intel kompaniyasining 958 ta droni qatnashdi, ular Kaliforniya osmonida jurnal nomini va hoshiyasini aks ettirdi, yana bir dron esa bularning barchasini havoda suratga oldi.
Tasvirga olish jarayoni haqidagi videorolikdan ma’lum bo‘lishicha, muqova qat’iy vertikal ko‘rinishda chiqmagan. Mutaxassislar aniqlik kiritishicha, bu ataylab qilingan, chunki aks holda, dronlar propellerdan chiqadigan havo oqimlari bilan bir-birini urib yuborgan bo‘lardi.
Muqovada dronlar oralig‘idagi eng yaqin masofa — 1,5 metr, muqova balandligi esa qariyb 100 metrga yetadi.
Izoh (0)