Anqara Vashingtonning nodo‘stona siyosati sababli AQSh uchun Injirlik aviabazasini yopishi mumkin. Bu haqda, Turkiya tashqi ishlar vaziri Mavlud Chovusho‘g‘liga tayanib, “RIA Novosti” xabar berdi.
Turkiya tashqi siyosat idorasi rahbarining so‘zlariga ko‘ra, mamlakat AQSh bilan munosabatlarni o‘rnatishga harakat qilmoqda. Munosabatlar me’yorga kelishi uchun AQSh Manbij, Gulenni topshirish masalalarida qadamlar tashlashi kerak. Gap shu haqda ketganda, turk xalqi Injirlik bazasini yopishni talab qilmoqda.
Vazirning ta’kidlashicha, Turkiyaning qo‘lida “kuchli qartalar” bor, AQSh esa bu kabi ittifoqchini yo‘qotmasligi kerak. Shuningdek, u AQSh o‘zining noto‘g‘ri qadamlaridan qaytishi kutilayotganini qo‘shimcha qildi.
Izoh (0)