Amerikalik iqtisodchi Jorj Soros Buyuk Britaniyada Brexit natijalarini bekor qiluvchi yangi referendum o‘tkazilishi borasidagi kampaniyani qo‘llab-quvvatlashini ma’lum qildi. Bu haqda u The Times’ga tayanib, “Kommersant” xabar berdi.
Jorj Sorosning fikricha, 2020-yildan keyin boshlanishi kerak bo‘lgan Brexit ancha og‘riqli jarayon hisoblanadi. Bu Buyuk Britaniya va Yevropa Ittifoqiga salbiy ta’sir ko‘rsatadi. Uning aytishicha, buning o‘rniga ular diqqat-e’tiborini ancha muhim masalalarni qaratgani ma’qul. Iqtisodchi ushbu muammoni ikkinchi marotaba referendum o‘tkazish orqali yechish mumkinligini ma’lum qildi.
“Hozirgi kunda sezilgan zararning asosiy qismini Yevropa Ittifoqi boshidan o‘tkazayotgan ekzistensial inqirozlar keltirib chiqarmoqda, ammo u o‘zining diqqatini Britaniyaning kelishuvdan chiqib ketishi borasidagi muzokaralarga qaratmoqda. Bu o‘zaro zararli taklifdir, ammo bu o‘zaro manfaatli tomonga o‘zgarishi mumkin”, — deydi Soros.
Buyuk Britaniyada Yevropa Ittifoqidan chiqib ketish borasidagi referendum 2016-yilning 23-iyun sanasida bo‘lib o‘tgan edi va 51 foizdan ortiq britaniyalik Brexit foydasiga ovoz bergan.
Izoh (0)