Rossiyaga o‘zbekistonliklar nafaqat ish, balki shifo izlab ham kelishadi. O‘zbekistonda imkonsiz sanalgan operatsiyalar bu yerda o‘tkaziladi. Ammo chet el fuqarolari uchun pullik bo‘lgan tibbiy xizmat, jarrohlik amaliyotlariga hammaning ham imkoniyati yetavermaydi.
8 oylik chaqaloq Mirziyobek Baratovda jigar sirrozi aniqlangan. Buxorolik Madina Muhammediyeva chaqalog‘ini davolatish uchun avval Toshkentga, keyin esa Moskvaga yo‘l olgan. Farzandini asrab qolishga harakat qilayotgan ayolning dardlari bolasinikidan-da og‘ir. Moskva shifokorlari chaqaloqqa jigar ko‘chirib o‘tkazish amaliyotini tayinlagan. Operatsiya narxi 3,5 million rublni yani 60 ming AQSh dollarini tashkil qiladi.
Madina shu paytga qadar uy joyi, tilla buyumlarini sotib, chaqalog‘ini davolatishga sarflagan. Endi esa operatsiya qildiray desa puli yo‘q, qildirmay desa chaqalog‘ining ahvoli og‘irlashib boryapti.
Shifokorlar tekshiruv vaqtida Mirziyoning yashab ketishi uchun imkon borligini bildirgan. Jigar ko‘chirib o‘tkazish amaliyoti go‘dakning hayotini saqlab qolishi mumkin.
“Hayotim mazmuni, ko‘zimning oqu-qorasi bo‘lmish bolamga qarab o‘tiribman. Xastaligi tufayli, bir daqiqa ham uni tashlab ketolmayman”, — deydi yosh ona.
Hayot uchun kurashayotgan hali birga ham kirmagan, hayotning shirin pallalarini hali totib ulgurmagan murg‘ak qalb egasi Mirziyodan yordamingizni ayamang! Unga imkon qadar xolis moddiy yordam beraylik!
Xayriya qilmoqchi bo‘lganlar uchun kerakli ma’lumotlar:
O‘zbekiston hududidan yordam bermoqchi bo‘lganlar uchun:Plastik karta orqali:(Click, Payme) Madina Muhammediyevaning qaynotasi Barot Rahmonov nomiga ochilgan.Agrobank: 8600-0417-6585-6092
Rossiyadagi saxovatpesha yurtdoshlarimiz uchun
(Sberbank Visa plastik kartochkasini xisob rakami: 4276 3801 6320 9559 MADINA MUKHAMEDIEVA )
Xorijiy davlatlardan kumak bermokchi bulganlar uchun pasport malumotlari: MADINA MUKHAMEDIEVA
Mirziyoning onasi Madina Muhammediyevaning telefon raqami:+7925 059 2627. Telegram imo: +99893 457 87 77
Otasi Sunnatbekning telefon raqami: +7926 066 63 81(kunduz kunlari ish bilan bo‘lib, telefonga o‘z vaqtida javob berolmasligi mumkin).
Izoh (0)