Yo‘lovchilarga qulaylik yaratish maqsadida Samarqand shahridagi avtobuslarda yangi to‘lov turi yo‘lga qo‘yildi, deb xabar beradi “Samarkandskiy vestnik”.
Hozircha 6, 12, 14, 32, 41, 61, 67, 71-yo‘nalishlarida qatnovchi 70 ta avtobusda sinov tariqasida yo‘l kira maxsus plastik karta orqali to‘lanmoqda. Bunda manziliga yetgan yo‘lovchi avtobus eshigi oldiga o‘rnatilgan “Validatori” maxsus apparatiga plastik kartasini tekizib, tushib ketaveradi”, – deydi O‘zbekiston avtomobil transporti agentligi viloyat boshqarmasi mutaxassisi Farxod Norqorayev.
Maxsus plastik kartalar Samarqand shahridagi jeton sotish shoxobchalarida sotilmoqda.
Ushbu plastik kartaga avvaldan pul o‘tkazish lozim bo‘ladi.
Izoh (0)