“O‘zikkilamchiranglimetall” AJga qarashli MDH mamlakatlarida yagona bo‘lgan sanoat akkumulyatorlarini ishlab chiqarish zavodi Exenergy brendi ostida o‘z mahsulotlarini taqdim etmoqda. Bu haqda “O‘zikkilamchiranglimetall” matbuot xizmati xabar berdi.
Namoyish 16—18-may kunlari “O‘zekspomarkaz” Milliy ko‘rgazmalar majmuasi pavilyonlarida o‘tkazilayotgan “Energiya, energiya tejash va muqobil energiya manbalari” 13-Xalqaro ko‘rgazmasida bo‘lib o‘tmoqda.
Zavod Exenergy brendi ostida O‘zbekistonda birinchilardan bo‘lib ishlab chiqarish siklini butunligicha o‘z ichiga qamrab olgan sanoat akkumulyator batareyalarini ishlab chiqarish tizimini yo‘lga qo‘ymoqda.
Mazkur loyiha O‘zbekiston Prezidentining PP-3012 sonli “2017—2021-yillarda qayta tiklanuvchi energetikani yanada rivojlantirish, iqtisodiyot tarmoqlari va ijtimoiy sohada energiya samaradorligini oshirish chora-tabdirlari dasturi to‘g‘risida”gi qarori asosida amalga oshirilmoqda.
Zavod bugungi kun talablariga va dunyo sifat standartlariga to‘laligicha javob beradigan, iste’molchilarning barcha talablarini qondira oladigan, zamonaviy va yuqori sifatli mahsulot ishlab chiqarishni maqsad qilib qo‘ygan.
Izoh (0)