O‘zbekiston Afg‘onistonda gaz quvuri qurilishida ishtirok etadi

O‘zbekiston va Afg‘oniston “Shibargan—Mozori Sharif” gaz quvuri qurilishini birgalikda amalga oshirishni rejalashtirmoqda, deb xabar qildi Sputnik.

“Qisqa vaqt ichida o‘zbekistonlik mutaxassislar guruhi Afg‘onistonga keladi. Biz geologik razvedka bo‘yicha bir necha loyihalar va Shibirgandan Mozori Sharifga gaz o‘tkazgich qurilishini muhokama qilamiz. Bu uzunligi 94 kilometr bo‘lgan ichki gaz quvuri bo‘ladi. Uning qurilishida O‘zbekiston ishtirok etadi”, — dedi Afg‘oniston shaxta va neft vaziri vazifasini bajaruvchi Nargis Nixan.

Nargis Nixanning aytishiga qaraganda, o‘zbekistonlik mutaxassislar joyidagi sharoitlar bilan tanishib ish hajmini baholaganlaridan so‘ng, loyihaning detallari aniq bo‘ladi.

Shuningdek, Nixan O‘zbekiston va Afg‘oniston orasida to‘g‘ridan-to‘g‘ri gaz o‘tkazgich qurilishiga ham izoh berdi.

“Ayni damda ushbu masala muhokama qilingani yo‘q, lekin Afg‘onistonda tabiiy gazga talab oshib borayotgani tufayli, bunday loyiha kelajakda paydo bo‘lishi mumkin dedi”, — dedi Nixan.

Oxirgi bir yarim yil ichida O‘zbekiston va Afg‘oniston orasida hamkorlik izchil rivojlanmoqda. Ikki tomonlama savdo-sotiqning nafaqat hajmi, balkim tarkibi ham kengayib bormoqda.

2017-yilda o‘zaro savdo-sotiq 600 million dollarni tashkil qilgan bo‘lsa, 2018-yilning boshida ushbu ko‘rsatgich 30 foizo‘sish namoyish qildi. Yaqin yillar ichida mahsulot ayrboshlash hajmi 1,5 milliardga yetishi mumkin.