Pulitsar mukofoti kengashi 10-may kuni hakamlar hay’ati rahbari bo‘lmish amerikalik yozuvchi Xunota Diasni iste’foga chiqardi. Bu haqda kengash saytiga asoslanib, “Korrespondent.net” xabar berdi.
Aprel oyida hakamlar hay’ayi raisi etib tayinlangan Diasning chetlatilishi uning nomaqbul xatti-harakatlariga qarshi o‘tkazilgan mustaqil surishtiruv sabab bo‘lgani aytilmoqda.
AP agentligining ma’lum qilishicha, Diasning tegajog‘ligi haqida birinchi bo‘lib uning adabiyot seminariga taklif etilgan yozuvchi Zinzi Klemmons so‘zlab bergan.
Boshqa bir ayol esa yozuvchini gap-so‘zlar orqali tegajog‘lik qilishda va ayollarga qo‘pol tanbeh berishda ayblagan.
49 yoshli Dias Pulitsar mukofoti laureati hisoblanadi va Massachusetts texnologiyalari institutida adabiyotdan dars beradi.
Izoh (0)