9-may kuni Somali poytaxti Mogadisho shahridan 70 kilometr uzoqlikda yuz bergan portlash oqibatida eng kamida 11 kishi halok bo‘ldi, deb xabar beradi “TASS”.
Hodisa Vanlaveyn shahrida odam tirband paytida yuz bergan.
“Biz 11 kishining halok bo‘lganini tasdiqlaymiz, 10 dan ortiq kishi turli tan jarohatlari bilan shifoxonaga yotqizildi”, — deya bayonot bergan mahalliy politsiya vakillari.
Portlash sabablari o‘rganilmoqda. Hozirga qadar hech bir terrorchilik guruhi portlash javobgarligini o‘z zimmasiga olmagan.
Izoh (0)