Rossiya Federatsiyasining poytaxti bo‘lmish Moskva shahrida faoliyat ko‘rsatadigan “Moskva shahridagi vatandoshlarimiz orasida” jurnali qoshida tashkil etilgan “Bintu Sodiq” Telegram-kanalida Ramazon oyi kirib kelishi munosabati bilan tanlov o‘tkazildi. Mazkur tanlovga aqida, Qur’on qiroati, tajvid, siyrat, fiqh kabi mavzular asos qilib olindi va shular bo‘yicha bir qancha savollar yuzasidan bellashildi.
Tanlov g‘olibalariga homiylar tarafidan sovg‘alar, xususan, Makkadan keltirilgan Mus’haf, liboslar va, albatta, fazilatli shayx Muhammad Sodiq Muhammad Yusuf rahimahullohning qoldirgan ilmiy meroslari, ya’ni kitoblari topshirildi.
Hadyalarni ulug‘ olimning qizlari Odinaxon Muhammad Sodiq duolar ila egalariga taqdim etdi.
Izoh (0)