APLda aprel oyining eng yaxshi murabbiyi va futbolchisi bo‘lish uchun nomzodlar ma’lum qilindi

Angliya premyer ligasida aprel oyining eng yaxshi murabbiyi bo‘lish uchun nomzodlar nomi e’lon qilindi. Bu haqda APL rasmiy saytida xabar berildi.

Unga ko‘ra, ro‘yxatdan Sem Ellardays (“Everton”), Xosep Gvardiola (“Manchester Siti”), Roy Hojson (“Kristal Pelas”), Darren Mur (“Vest Bromvich”) va Joze Mourinyo (“Manchester Yunayted”) joy oldi.

Ma’lumot uchun mart oyining eng yaxshi murabbiyi deb “Byornli” ustozi Shon Daych topilgandi.

Aprel oyining eng yaxshi futbolchisi bo‘lish uchun nomzodlar qatoridan Rahim Sterling (“Manchester Siti”), Jek Livermor (“Vest Bromvich”), Uilfrid Zaxa (“Kristal Pelas”), Jordan Pikford (“Everton”), Pol Pogba (“Manchester Yunayted”), Kristian Eriksen (“Tottenhem”) va Pyer-Emerik Obameyang (“Arsenal”) o‘rin oldi.

Mart oyida ushbu nom “Liverpul” a’zosi Muhammad Salohga nasib etgan edi.