O‘zbekiston milliy universitetida 30-aprel kuni O‘zbekistonda xizmat ko‘rsatgan fan arbobi, filologiya fanlari doktori, professor Abduzuhur Abduazizov tavalludining 80 yilligiga bag‘ishlangan ilmiy anjuman bo‘lib o‘tdi. “Daryo” vakili tadbirda ishtirok etdi.
“Filologiya va madaniyatlararo kommunikatsiya: dolzarb masalalar va istiqbollar” mavzuidagi tadbirda universitet professor-o‘qituvchilari va talabalari, boshqa oliy ta’lim va ilmiy-tadqiqot muassasalaridan mehmonlar, shuningdek, OAV vakillari qatnashdi.
Tadbirni universitet rektori professor A.R.Marahimov kirish so‘zi bilan ochib berdi.
Tadbirda H. Dadaboyev, Sh. Safarov singari mashhur professorlar va taniqli olimlar ma’ruzalar qildi.
Abduzuhur Abdumajidovich Abduazizov 1938-yil 1-yanvarda Toshkent shahrida xunarmand oilasida tavallud topdi. U 1967-yilda Moskva shahrida “German va turkiy tillari” mutaxassisligi bo‘yicha filologiya fanlari nomzodi ilmiy darajasini olish uchun yozilgan dissertatsiyasini muvaffaqiyat bilan himoya qildi. Shundan so‘ng butun umri davomida ko‘plab monografik tadqiqotlar yaratdi, oliy ta’lim dargohlarida ishlab, ko‘plab shogirdlar yetishtirdi. Atoqli olim va murabbiy 2014 yil 12 aprelda 76 yoshda vafot etdi.
Izoh (0)