Ўзбекистон миллий университетида 30 апрель куни Ўзбекистонда хизмат кўрсатган фан арбоби, филология фанлари доктори, профессор Абдузуҳур Абдуазизов таваллудининг 80 йиллигига бағишланган илмий анжуман бўлиб ўтди. «Дарё» вакили тадбирда иштирок этди.
«Филология ва маданиятлараро коммуникация: долзарб масалалар ва истиқболлар» мавзуидаги тадбирда университет профессор-ўқитувчилари ва талабалари, бошқа олий таълим ва илмий-тадқиқот муассасаларидан меҳмонлар, шунингдек, ОАВ вакиллари қатнашди.
Тадбирни университет ректори профессор А.Р.Мараҳимов кириш сўзи билан очиб берди.
Тадбирда Ҳ. Дадабоев, Ш. Сафаров сингари машҳур профессорлар ва таниқли олимлар маърузалар қилди.
Абдузуҳур Абдумажидович Абдуазизов 1938 йил 1 январда Тошкент шаҳрида хунарманд оиласида таваллуд топди. У 1967 йилда Москва шаҳрида «Герман ва туркий тиллари» мутахассислиги бўйича филология фанлари номзоди илмий даражасини олиш учун ёзилган диссертациясини муваффақият билан ҳимоя қилди. Шундан сўнг бутун умри давомида кўплаб монографик тадқиқотлар яратди, олий таълим даргоҳларида ишлаб, кўплаб шогирдлар етиштирди. Атоқли олим ва мураббий 2014 йил 12 апрелда 76 ёшда вафот этди.
Изоҳ (0)