28-aprel kuni Buxoro viloyati Favqulodda vaziyatlar boshqarmasiga Buxoro shahrida yashovchi N.Nasrullayev telefon orqali murojaat qildi. Bu haqda FVV matbuot xizmati xabar beradi.
Xabarga ko‘ra shaharning Mustaqillik ko‘chasidagi ko‘p qavatli uyda texnik nosozlik sababli lift ishdan chiqqan, kabinada esa uch nafar voyaga etmagan bolalar qo‘rquv holatida yordam so‘rashgan.
Boshqarma qutqaruvchilari zudlik bilan voqea joyiga etib borishdi, maxsus qutqaruv asboblari yordamida lift eshigi ochilib bolalar chiqarib olindi. Bolalar sog‘-salomat ekanligi haqida xabarda ma’lum qilingan .
Izoh (0)