AQSh harbiy-havo kuchlari 25-aprelda Minuteman III qit’alararo ballistik raketasining joriy yildagi birinchi sinovini o‘tkazdi. Raketa jangovar kallak bilan jihozlangan edi. Bu haqda “Vedomosti” xabar berdi.
Parvoz muvaffaqiyatli amalga oshirgan. Raketa belgilangan parvoz trayektoriyasidan chiqmagan, uning qurilmalari soz holda ishlagan, bosh qismi esa belgilangan nuqtaga borib tushgan.
Sinovning maqsadi tizimning tayyorligi, samaradorligi va aniqligini tekshirish bo‘lgan. Parvoz Kaliforniya shtatidagi Vandenberg bazasida bo‘lib o‘tgan. So‘nggi marta bunday sinovlar o‘tgan yilning avgust oyida bo‘lib o‘tgan edi.
Minuteman III raketasi Boeing tomonidan yaratilgan va qurolli kuchlarga 1970-yilda qabul qilingan. Parvozning eng maksimal uzoqligi 15 ming kilometrni tashkil qiladi. Raketaning uzunligi bosh qismi bilan birga 18 metrdan oshadi. Raketa 0,3 — 0,6 megatonnali bittadan uchtagacha bo‘lgan kallak bilan ucha oladi.
Izoh (0)