Peskov hali ham Telegram’dan foydalanayotganini tan oldi

Rossiya prezidentining matbuot kotibi Dmitriy Peskov hali ham Telegram messenjeridan foydalanmoqda va bunda hech qanday nojo‘yalikni ko‘rmayapti. Bu haqda u Kremlda bo‘lib o‘tgan brifingda ma’lum qildi, deb yozmoqda “Korrespondent.net”.

Jurnalistlarning Telegram’ning ishi yuzasidan savoliga javob bera turib, Peskov messenjerning hali ham ishlayotganini, ba’zan esa uzilishlar yuz berayotganini aytgan.

Uning so‘zlariga ko‘ra, uzilishlar ba’zan tez-tez, ba’zan esa kamroq yuz bermoqda, “Roskomnadzor” sud qarorini bajarmoqda. Peskovning ta’kidlashicha, sudning qarorini texnik jihatdan bajarish oson ish emas.

Shuningdek, Peskov messenjerni blokirovka qilish jarayoni sekin ketayotganiga ortiqcha ahamiyat qaratish kerak emasligini qayd etgan.