АҚШ ҳарбий-ҳаво кучлари 25 апрелда Minuteman III қитъалараро баллистик ракетасининг жорий йилдаги биринчи синовини ўтказди. Ракета жанговар каллак билан жиҳозланган эди. Бу ҳақда «Ведомости» хабар берди.
Парвоз муваффақиятли амалга оширган. Ракета белгиланган парвоз траекториясидан чиқмаган, унинг қурилмалари соз ҳолда ишлаган, бош қисми эса белгиланган нуқтага бориб тушган.
Синовнинг мақсади тизимнинг тайёрлиги, самарадорлиги ва аниқлигини текшириш бўлган. Парвоз Калифорния штатидаги Ванденберг базасида бўлиб ўтган. Сўнгги марта бундай синовлар ўтган йилнинг август ойида бўлиб ўтган эди.
Minuteman III ракетаси Boeing томонидан яратилган ва қуролли кучларга 1970 йилда қабул қилинган. Парвознинг энг максимал узоқлиги 15 минг километрни ташкил қилади. Ракетанинг узунлиги бош қисми билан бирга 18 метрдан ошади. Ракета 0,3 — 0,6 мегатоннали биттадан учтагача бўлган каллак билан уча олади.
Изоҳ (0)