AQSh maktablaridagi ommaviy otishmalarda XXI asr boshidan buyon o‘tgan asrdagidan ko‘proq odam qurbon bo‘ldi

So‘nggi 18 yil ichida AQSh maktablarida yuz bergan ommaviy otishmalarda o‘tgan asrdagidan ko‘ra ko‘proq odam o‘ldirilgan va jarohatlangan. Bu haqda AQShning Klemson universiteti olimlari izlanishiga tayanib, “TASS” xabar berdi.

Mualliflar ishda ommaviy qurbonlar bo‘lgan otishmalarni tahlil qilgan. “Ommaviy otishma” deyilganda o‘t ochar qurol qo‘llangan va qurbonlar soni mergandan tashqari to‘rt nafar va undan ko‘p bo‘lgan holatlar nazarda tutilgan.

XX asr davomida Amerika maktablarida yuz bergan ommaviy otishmalarda 55 kishi qurbon bo‘lgan, 260 kishi jarohat olgan. Merganlarning 60 foizi 11—18 yoshda bo‘lgan.

XXI asrning boshidan buyon AQSh maktablarida 13 ta ommaviy qotillik holati qayd etilgan. Ularda 66 kishi o‘ldirilgan, 81 kishi jarohat olgan.