Donald Tramp portreti Rashmor tog‘iga tushirilgan AQShning beshinchi prezidenti bo‘lishni orzu qilmoqda. Bu haqda “Korrespondent.net” xabar berdi.
Trampning noodatiy orzusi haqida AQSh Kongressining Respublikachilar partiyasidan bo‘lgan a’zosi Kristi Noem ma’lum qilgan. U mashhur tog‘ joylashgan Janubiy Dakotaning vakili sanaladi.
Janubiy Dakota gubernatori bo‘lish istagini ma’lum qilgan Noem Trampning bu orzusi haqida uning o‘zidan eshitganini aytib o‘tgan.
Ayni paytda Amerikaning asosiy yodgorliklaridan biri sanaladigan tog‘da Jorj Vashington, Tomas Jefferson, Teodor Ruzvelt va Avram Linkolnning 18 metrli haykali joylashgan. Haykalli portretlar Rashmor tog‘ida mamlakatning 30-prezidenti Kalvin Kulij ma’muriyati tomonidan yaratilgan.
Rashmor tog‘i milliy memoriali vakilining ma’lumotlariga ko‘ra, “Rashmor to‘rtligi”ni “beshlik”ka aylantirishning imkoni yo‘q, chunki beshinchi portret uchun tog‘ qiyaligida joy yetmaydi.
Izoh (0)