Meksikaning Oaxaka shaharchasi aholisi mahalliy ayolning zo‘rlanishidan shunchalik qattiq ta’sirlandiki, gumonlanuvchiga nisbatan Linch sudi (jinoyatda gumonlanuvchi odamning sudsiz, tergovsiz ravishda olomon tomonidan o‘ldirilishi)ni uyushtirishga qaror qildi, deb yozadi Tengrinews.
Politsiyachilar zo‘ravonni ayol tasvirlab bergan belgilar bo‘yicha qo‘lga olgan. 20 yoshli erkakni vaqtinchalik izolyatorga joylashtirishgan. Ammo zo‘rlangan ayolning qarindoshlari jinoyatchini jazolash istagidagi odamlardan iborat katta olomonni yig‘ib kelib, politsiyadan mahbusni ularga topshirishni talab qildi. Huquq-tartibot xodimlari tartibsizliklar yuzaga kelishidan qo‘rqib, mahbusni olomon ixtiyoriga topshirdi.
Shahar aholisi uni dastlab do‘pposladi, so‘ng bu bilan kifoyalanmasdan, uni timsoh saqlanayotgan qafasga solib qo‘ydi. Shundagina politsiyachilar bu ishga aralashib, erkakni qafasdan chiqarib oldi va og‘ir ahvolda kasalxonaga yetkazdi.
Izoh (0)