Qozog‘iston senati yalpi majlisida deputat Vladimir Volkov Olmaota viloyatidagi Olmaota—Toshkent trassasida yuzaga kelgan vaziyatni tartibga solish haqidagi deputatlar so‘rovini e’lon qildi, deb yozadi Tengrinews.
Uning so‘zlariga ko‘ra, so‘rov “Olmaota—Toshkent trassasidagi blokpostni o‘z nazorati ostiga olib, tashuvchilardan to‘lov talab qilayotgan shaxslarning noqonuniy xatti-harakatlariga bog‘liq”.
OAVda e’lon qilingan maqolaga muvofiq, Olmaota viloyati Qorasaroy tumani Kaskelen shahridagi Ushkonir avtostansiyasi yaqinida xususiy kompaniya tomonidan yaratilgan hamda xalqaro va respublika ahamiyatiga ega bo‘lgan xususiy post faoliyat yuritadi. U yerda reysli avtobuslar ham, yakka tadbirkorlarga tegishli avtobuslar ham to‘xtatib qolinadi.
Deputat ushbu holatga huquqiy baho berilishini va zarur bo‘lsa, tegishli choralar ko‘rilishini so‘radi.
Izoh (0)