O‘zbekiston futbol assotsiatsiyasi hamda Professional futbol ligasi Ramazon oyida Superliga uchrashuvlari vaqtini tomoshabinlar talabidan kelib chiqqan holda, qayta ko‘rib chiqishni rejalashtirayotgani ma’lum qilindi.
O‘FA birinchi vitse-prezidenti Umid Ahmadjonovga ko‘ra, Ramazon ro‘zasi tufayli o‘yinlarning tanaffus vaqti iftorlik vaqtiga, tugashi esa taroveh namozining boshlanish vaqtiga moslashtirilishi kutilmoqda.
Muxlislarni futbol maydonlariga qaytarish uchun izlanishdan to‘xtamaymiz. Ular uchun yaratib beriladigan har qanday sharoit birinchi navbatda o‘zimizni ham xursand qiladi. Bunda birinchi galda iftorlik vaqtini hisobga olish kerak. Ya’ni, futbol uchrashuvlari shunday vaqtga qo‘yiladiki, taymlarning tugashi og‘iz ochish vaqtiga yo‘l ochib beradi. Islom diniga e’tiqod qiluvchi futbol muxlislarimiz iftorlik qilish hamda o‘z farzlarini ado etish imkoniyatiga ega bo‘lishadi. Ramazon oyida yurtdoshlarimiz, shuningdek, taroveh namozlariga ham shoshiladi. Shundan kelib chiqib, o‘yinlarning tugash vaqtini ham e’tibordan chetda qoldirmaslik kerak. Muhimi — muborak oy davomida futbol muxlislari o‘z farzlarini bemalol ado etish barobarida, stadionlarga kelishda ham davom etishsin. Futbol hammamiz uchun bayramdek o‘tishi kerak.Ahmadjonovning ta’kidlashicha, tadbirkorlarga stadionlarga tashrif buyurib, yeguliklar va ichimliklarni sotish uchun ruxsat beriladi.Umid Ahmadjonov, O‘FA vitse-prezidenti
Tadbirkorlar ham bunday vaqtda o‘zlarini ko‘rsatishlarini istardim. Stadionlarda og‘iz ochish niyatida bo‘lgan minglab odamlar bo‘ladi. Demak, ularga yeguliklar, ichimliklar olib kelish ham savobli ish, ham cho‘ntakka biroz bo‘lsa ham foyda bo‘lishi mumkin. O‘FA hamda Ichki ishlar vazirligi o‘zaro samimiy hamkorlikni yo‘lga qo‘yganimizdan kelib chiqsak, ro‘zadorlar uchun mana shunday xizmatlarni ko‘rsatish istagida bo‘lganlar uchun barcha stadionlar o‘z eshiklarini ochib beradi. O‘FA esa bosqichma-bosqich stadionlarimizda mana shunday xizmatlar uzluksiz yo‘lga qo‘yilishi ustida ish olib boradi.Shuningdek, O‘FA vitse-prezidenti Jahon Chempionati vaqtida Superliga o‘yinlari to‘xtatilishini ham ma’lum qildi.Umid Ahmadjonov, O‘FA vitse-prezidenti
Bungacha Professional futbol ligasi o‘yinlarning ish vaqtida boshlanmasligiga ahamiyat berib kelayotgandi. 8-turdan boshlab esa ayrim o‘yinlar vaqti havoning isishi sabab biroz kechiktiriladi. Shuningdek, har to‘rt yilda bir bor o‘tadigan Jahon Chempionati vaqtida esa Superliga klublari ta’tilga chiqib ketadi. Ya’ni, mundial havosidan nafas olishni istagan futbol muxlislarining e’tibori ikkiga bo‘linib qolmaydi.Uchrshuvlarni iftorlikka moslashtirish faqat Superligada amalga oshiriladi. O‘zgarishlar Pro-ligaga ta’sir qilmaydi.Umid Ahmadjonov, O‘FA vitse-prezidenti
Superligada 12 ta klub bo‘lsa, ular mamlakatning turli burchaklaridan. Demak, PFL har bir viloyatda iftorlik vaqti soat nechaga to‘g‘ri kelayotganiga e’tibor qaratishi kerak. Chunki respublikaning g‘arbiy va sharqiy mintaqalarida og‘iz ochish farqi deyarli 1 soatni tashkil qilishi ham mumkin. PFL rahbariyatiga hozircha Superliga borasida topshiriq berildi. Pro-Liga klublarining saviyasini 2—3 yilda ko‘tarib olsak, bunday masalalar ularni ham cheklab o‘tmaydi.Ramazon may oyining o‘rtalarida boshlanishi kutilmoqda.Umid Ahmadjonov, O‘FA vitse-prezidenti
Ma’lumot uchun, Ramazon oyi vaqtida Superliganing 12, 13, 14, 15-tur uchrashuvlari, shuningdek, O‘zbekiston Kubogining 1/8 final bosqichi bo‘lib o‘tadi. PFL mana shu turlarga o‘yinlar vaqtini Diniy qo‘mita tomonidan e’lon qilinadigan Ramazon taqvimidan kelib chiqib belgilaydi. Bu borada biror-bir o‘zgarishlar bo‘lsa, muxlislarga ma’lumot beriladi, deyiladi O‘FA xabarida.
Izoh (0)