Суперлига ўйинлари вақти Рамазон ойида ифторлик ва таровеҳ намозлари вақтига мослаштирилади
Ўзбекистон футбол ассоциацияси ҳамда Профессионал футбол лигаси Рамазон ойида Суперлига учрашувлари вақтини томошабинлар талабидан келиб чиққан ҳолда, қайта кўриб чиқишни режалаштираётгани маълум қилинди.
ЎФА биринчи вице-президенти Умид Аҳмаджоновга кўра, Рамазон рўзаси туфайли ўйинларнинг танаффус вақти ифторлик вақтига, тугаши эса таровеҳ намозининг бошланиш вақтига мослаштирилиши кутилмоқда.
Мухлисларни футбол майдонларига қайтариш учун изланишдан тўхтамаймиз. Улар учун яратиб бериладиган ҳар қандай шароит биринчи навбатда ўзимизни ҳам хурсанд қилади. Бунда биринчи галда ифторлик вақтини ҳисобга олиш керак. Яъни, футбол учрашувлари шундай вақтга қўйиладики, таймларнинг тугаши оғиз очиш вақтига йўл очиб беради. Ислом динига эътиқод қилувчи футбол мухлисларимиз ифторлик қилиш ҳамда ўз фарзларини адо этиш имкониятига эга бўлишади. Рамазон ойида юртдошларимиз, шунингдек, таровеҳ намозларига ҳам шошилади. Шундан келиб чиқиб, ўйинларнинг тугаш вақтини ҳам эътибордан четда қолдирмаслик керак. Муҳими — муборак ой давомида футбол мухлислари ўз фарзларини бемалол адо этиш баробарида, стадионларга келишда ҳам давом этишсин. Футбол ҳаммамиз учун байрамдек ўтиши керак.Аҳмаджоновнинг таъкидлашича, тадбиркорларга стадионларга ташриф буюриб, егуликлар ва ичимликларни сотиш учун рухсат берилади.Умид Аҳмаджонов, ЎФА вице-президенти
Тадбиркорлар ҳам бундай вақтда ўзларини кўрсатишларини истардим. Стадионларда оғиз очиш ниятида бўлган минглаб одамлар бўлади. Демак, уларга егуликлар, ичимликлар олиб келиш ҳам савобли иш, ҳам чўнтакка бироз бўлса ҳам фойда бўлиши мумкин. ЎФА ҳамда Ички ишлар вазирлиги ўзаро самимий ҳамкорликни йўлга қўйганимиздан келиб чиқсак, рўзадорлар учун мана шундай хизматларни кўрсатиш истагида бўлганлар учун барча стадионлар ўз эшикларини очиб беради. ЎФА эса босқичма-босқич стадионларимизда мана шундай хизматлар узлуксиз йўлга қўйилиши устида иш олиб боради.Шунингдек, ЎФА вице-президенти Жаҳон Чемпионати вақтида Суперлига ўйинлари тўхтатилишини ҳам маълум қилди.Умид Аҳмаджонов, ЎФА вице-президенти
Бунгача Профессионал футбол лигаси ўйинларнинг иш вақтида бошланмаслигига аҳамият бериб келаётганди. 8-турдан бошлаб эса айрим ўйинлар вақти ҳавонинг исиши сабаб бироз кечиктирилади. Шунингдек, ҳар тўрт йилда бир бор ўтадиган Жаҳон Чемпионати вақтида эса Суперлига клублари таътилга чиқиб кетади. Яъни, мундиал ҳавосидан нафас олишни истаган футбол мухлисларининг эътибори иккига бўлиниб қолмайди.Учршувларни ифторликка мослаштириш фақат Суперлигада амалга оширилади. Ўзгаришлар Про-лигага таъсир қилмайди.Умид Аҳмаджонов, ЎФА вице-президенти
Суперлигада 12 та клуб бўлса, улар мамлакатнинг турли бурчакларидан. Демак, ПФЛ ҳар бир вилоятда ифторлик вақти соат нечага тўғри келаётганига эътибор қаратиши керак. Чунки республиканинг ғарбий ва шарқий минтақаларида оғиз очиш фарқи деярли 1 соатни ташкил қилиши ҳам мумкин. ПФЛ раҳбариятига ҳозирча Суперлига борасида топшириқ берилди. Про-Лига клубларининг савиясини 2—3 йилда кўтариб олсак, бундай масалалар уларни ҳам чеклаб ўтмайди.Рамазон май ойининг ўрталарида бошланиши кутилмоқда.Умид Аҳмаджонов, ЎФА вице-президенти
Маълумот учун, Рамазон ойи вақтида Суперлиганинг 12, 13, 14, 15-тур учрашувлари, шунингдек, Ўзбекистон Кубогининг 1/8 финал босқичи бўлиб ўтади. ПФЛ мана шу турларга ўйинлар вақтини Диний қўмита томонидан эълон қилинадиган Рамазон тақвимидан келиб чиқиб белгилайди. Бу борада бирор-бир ўзгаришлар бўлса, мухлисларга маълумот берилади, дейилади ЎФА хабарида.
