Rossiya Federal qo‘riqlov xizmati sotuvga qo‘yilgan Mercedes-Benz avtomobilidan davlat rahbari Vladimir Putinni olib yurishda foydalanilgani haqidagi ma’lumotni inkor etdi, deb yozadi “Gazeta.ru”.
“Ushbu mashina muayyan masofani bosib o‘tganidan keyin balansdan chiqarilib, sotish uchun berilgan edi. Bu avtomobil davlat rahbariga xizmat ko‘rsatishda ishlatilmagan”, — deyishdi Federal qo‘riqlov xizmatida.
Avvalroq “Auto.ru” portaliga 2003-yilda chiqarilgan Mercedes-Benz Pullman W220 S600 zirhli avtomobili sotilishi haqida e’lon joylangan, undan go‘yoki, Rosiya prezidenti Vladimir Putin foydalanganligi aytilgan edi.
Izoh (0)