Швецияда дунёдаги биринчи электрлаштирилган йўл пайдо бўлди, деб ёзади Travel Ask. 2030 йилга келиб, мамлакат ёқилғидан бутунлай воз кечишни режалаштирмоқда.
Ҳозирча электрлаштирилган йўл синов режимида ишламоқда, унинг узунлиги 2 километрга тенг. Трасса Стокгольмдан аэропортга кетиш йўлида жойлашган.
Йўл полотноси остига 5—6 см чуқурликка контакт рельслар ўрнатилган. Бутун трасса 50 метрли участкаларга бўлинган, уларнинг ҳар бири устидан ўтаётган машинани зарядлайди. Электромобиль ўз навбатида ток қабул қилгич билан жиҳозланган бўлиши керак — у автомобилнинг тагига жойлаштирилади. Агар машина тўхтаса, ток автоматик тарзда ўчади. Йўл полотносининг ўзида электр токи йўқ, шунинг учун унда оёқяланг ҳам юриш мумкин.
Айни вақтда технология шундай ўйланганки, агар йўл қандайдир сабабга кўра, сув остида қолса, ток қабул қилгичдаги кучланиш 1 вольтгача тушиб кетади.
Изоҳ (0)