Rossiyalik jurnalistlar Telegram’da Kreml matbuot xizmatidan Rossiya prezidenti matbuot kotibi Dmitriy Peskov bilan telekonferensiya haqida xabar oldi. “Govorit Moskva” radiosining ma’lum qilishicha, bu sudning Telegram’ni bloklash haqidagi qaroridan keyin yuz bergan, deb yozmoqda TJournal.
Peskov bilan Сonference Call jurnalistlar uchun yangi format emas, u ma’lum vaqtdan buyon tashkil qilinmoqda. Unda ko‘plab nashrlarning vakillari ishtirok etadi.
Meduza tomonidan xabar qilinishicha, brifingda Peskov Telegram Rossiyada bloklanishi bilan Kremlning jurnalistlar bilan ishlash uchun boshqa messenjerga o‘tishini ma’lum qilgan. Uning aynan qaysi messenjer ekanligiga aniqlik kiritilmagan.
Peskovning so‘zlariga ko‘ra, u Telegram’dan VPN orqali foydalanish yoki foydalanmasligini hali “bilmaydi”. Kreml matbuot kotibi Telegram’ning Rossiyada bloklanishini rus ijtimoiy tarmoqlarining Ukrainada bloklanishi bilan taqqoslashdan bosh tortgan.
Izoh (0)