Qrim Respublikasining Simferopol shahri xalqaro aeroportidagi onlayn tabloda 16-aprel kuni mavjud bo‘lmagan Venus Airlines kompaniyasining noodatiy reyslari paydo bo‘ldi. Ular Venera, Mars va “Yulduzlar jangi”dagi o‘ylab topilgan Korusant sayyoralariga uchishni taklif qilgan. Bu haqda TJournal xabar berdi.
Aeroportdan holat yuzasidan izoh olishga muvaffaq bo‘linmagan. Nashrning yozishicha, noodatiy reyslarning paydo bo‘lishi “Simferopol” aeroportining yangi terminali ochilishiga tayyorlangan hazil bo‘lishi mumkin.
16-aprel kuni ertalab terminal Moskvadan birinchi reysni qabul qilgan, yo‘lovchilarga esa shu kuni “Kelajakka bir qadam” nomli ko‘ngilochar dastur va’da qilingan. Dasturga ko‘ra, yo‘lovchilar XXII asr atmosferasida bo‘lib, kosmoportga tushadi va 100 yildan keyin dunyo qanday bo‘lishini tasavvur qiladi.
Izoh (0)