Минг йиллик тарихга эга ўзбек шойи эркаклар кўйлаги 25 апрель куни Лондондаги Sotheby’s аукцион уйида кимошди савдосига қўйилади, деб ёзади «Vesti.uz» New York Times’га таяниб.
Кўйлак тумшуғида дур маржон тутган ўрдаклар тасвирлари билан безатилган. Расмлар юрак ва бошқа шаклларни ўз ичига олган мовий тусдаги саккиз бурчакли нақшлар билан ҳошияланган.
Тахминларга кўра, бундай кийимни Сўғд империясида тўралар ёки сарой амалдорлари кийиб юрган. Империя ҳозирги Ўзбекистон ва Тожикистон ҳудудларида жойлашган ва Х асрда йўқ бўлиб кетган.
«Бундай турдаги буюмнинг шундай ҳолатда сақланиши — жуда камёб ҳодиса», — дея эътироф этди Sotheby’s’нинг Ўрта Шарқ бўлинмаси раҳбари Бенедикт Картер. Тарихий буюмнинг бошланғич нархи — 700 минг доллар.
Изоҳ (0)