Putin siyosat Mars dasturining rivojiga ta’sir qilmasligiga umid bildirmoqda

Rossiya prezidenti Vladimir Putin siyosat Mars dasturlarining rivojiga ta’sir qilmasligiga umid bildirmoqda. Bu haqda “RIA Novosti” xabar berdi.

Putin Rossiyaning Mars bo‘yicha ikkita dasturda ishtirok etishiga umid qilmoqda. Bunda u faoliyatning bu sohasi siyosatning muammoli jihatlariga kirmasligini ta’kidlagan. Rossiya yetakchisi bu fikrlarni kosmonavtlar bilan uchrashuv chog‘ida bayon qilgan.

Uning qayd etishicha, Marsni o‘zlashtirish butun insoniyatning manfaati hisoblanadi. Kosmonavtlar esa boshqa mamlakatlardagi sheriklar bilan birga bitta kemada parvoz qilishini aytgan.

Putin mazkur soha barchani birlashtiruvchi faoliyat ekanligini ta’kidlab, kelajakda ham shunday bo‘lishiga umid bildirgan.