Toshkent viloyati favqulodda vaziyatlar boshqarmasi tez harakat qilish maxsus otryadiga Chirchiq shahar Chaykovskiy ko‘chasida yashovchi fuqaro M.D qo‘ng‘iroq qilib, quduqqa tushib ketgan sigirni chiqarib olish uchun yordam so‘radi, deb xabar beradi FVV matbuot xizmati.
Qutqaruvchilar guruhi zudlik bilan voqea joyiga yetib bordi. Yuzaga kelgan holatni baholab, maxsus asbob-anjomlar bilan quduq yoniga qo‘l yordamida ko‘tarish moslamasini yasadi. Amalga oshirilgan sa’y-harakatlar natijasida sigir chuqurdan chiqarib olindi va mahalliy veterinarga topshirildi.
Izoh (0)