Тошкент вилояти фавқулодда вазиятлар бошқармаси тез ҳаракат қилиш махсус отрядига Чирчиқ шаҳар Чайковский кўчасида яшовчи фуқаро М.Д қўнғироқ қилиб, қудуққа тушиб кетган сигирни чиқариб олиш учун ёрдам сўради, деб хабар беради ФВВ матбуот хизмати.
Қутқарувчилар гуруҳи зудлик билан воқеа жойига етиб борди. Юзага келган ҳолатни баҳолаб, махсус асбоб-анжомлар билан қудуқ ёнига қўл ёрдамида кўтариш мосламасини ясади. Амалга оширилган саъй-ҳаракатлар натижасида сигир чуқурдан чиқариб олинди ва маҳаллий ветеринарга топширилди.
Изоҳ (0)