Qirg‘iziston prezidenti So‘ronbay Jeenbekov mamlakat Milliy xavfsizlik davlat qo‘mitasi raisi Abdil Segizbayevni ishdan oldi. Bu haqda “Kommersant” xabar bermoqda.
Qirg‘iziston prezidenti matbuot xizmati tarqatgan axborotga ko‘ra, Abdil Segizbayev “o‘z arizasiga ko‘ra” egallab turgan lavozimidan ozod etilgan.
Abdil Segizbayev 2015-yildan beri Qirg‘iziston Milliy xavfsizlik davlat qo‘mitasiga rahbarlik qilib kelayotgan edi.
Bungacha u mamlakatning sobiq prezidenti Almazbek Atambayevning yordamchisi, prezident devonining axborot siyosati bo‘limi mudiri va axborot siyosati masalalari bo‘yicha maslahatchisi lavozimlarida ishlagan.
Izoh (0)