Farg‘ona va Qashqadaryo viloyatlarida 30-mart kuni ikki ayol erlarining qo‘lida halok bo‘ldi. Bu haqda IIV jamoatchilik va OAV bilan aloqalar boshqarmasi xabar berdi.
Farg‘ona viloyatining Quva tumanida soat 06:00 atrofida Go‘zal mahallasida yashovchi, 1980-yilda tug‘ilgan T. To‘lanov uyida o‘zaro janjal oqibatida turmush o‘rtog‘i, 1982-yilda tug‘ilgan B. To‘lanovaning bo‘yin va ko‘krak qismiga pichoq bilan urib, jarohat yetkazdi.
B. To‘lanova voqea joyida hayotdan ko‘z yumdi. T. To‘lanov qo‘lga olindi.
Qashqadaryo viloyatining Qarshi tumanida soat 19:55 larda Xonyon qishlog‘ida yashovchi, 1974-yilda tug‘ilgan R. Qilichov uyida mojaro asnosida turmush o‘rtog‘i, 1976-yilda tug‘ilgan M. Rasulovaning boshiga temir bo‘lagi bilan urib, jarohat yetkazdi.
M. Rasulova hodisa joyida olamdan o‘tdi. R. Qilichov qo‘lga olindi.
Izoh (0)