Фарғона ва Қашқадарё вилоятларида 30 март куни икки аёл эрларининг қўлида ҳалок бўлди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Фарғона вилоятининг Қува туманида соат 06:00 атрофида Гўзал маҳалласида яшовчи, 1980 йилда туғилган Т. Тўланов уйида ўзаро жанжал оқибатида турмуш ўртоғи, 1982 йилда туғилган Б. Тўланованинг бўйин ва кўкрак қисмига пичоқ билан уриб, жароҳат етказди.
Б. Тўланова воқеа жойида ҳаётдан кўз юмди. Т. Тўланов қўлга олинди.
Қашқадарё вилоятининг Қарши туманида соат 19:55 ларда Хонён қишлоғида яшовчи, 1974 йилда туғилган Р. Қиличов уйида можаро асносида турмуш ўртоғи, 1976 йилда туғилган М. Расулованинг бошига темир бўлаги билан уриб, жароҳат етказди.
М. Расулова ҳодиса жойида оламдан ўтди. Р. Қиличов қўлга олинди.
Изоҳ (0)