28-mart kuni soat 13:36 da Toshkent viloyati Olmaliq shahar Yong‘in xavfsizligi bo‘limiga Ko‘rpasoy mahallasidagi 19-uyda yong‘in sodir bo‘layotgani haqida xabar kelib tushgan.
Xabarga asosan yong‘in sodir bo‘layotgan joyga Olmaliq shahrini yong‘indan muhofaza qiluvchi 4-Harbiylashtirilgan yog‘in xavfsizligi qismidan 2 ta hamda “Ammofos-Maksam” AJni yong‘indan muhofaza qiluvchi 8-Harbiylashtirilgan yong‘in xavfsizligi qismidan 1 ta o‘t o‘chirish jangovor bo‘linmalari jalb qilingan.
Bo‘linmalar yong‘in joyiga yetib borganida, yong‘in 80 kvadrat metr maydonga tarqalganligi va uy ichida ushbu xonadonda yashovchi 1943-yilda tug‘ilgan fuqaro Akrom Shokirov hamda uning turmush o‘rtog‘i 1954-yilda tug‘ilgan fuqaro Muqaddas Shokirova borligi aniqlangan. Muqaddas Shokirova bu vaqtda xushsiz holatda bo‘lgan.
Shaxsiy tarkibining sa’y-harakatlari natijasida fuqarolar tashqariga olib chiqilgan va o‘z vaqtida birinchi tibbiy yordam ko‘rsatilgan.
Yong‘in soat 14:34 da to‘liq bartaraf etilib, uyning 150 kvadrat metr maydoni saqlab qolingan.
Izoh (0)