Ellikqal’a tumanida istiqomat qiluvchi Altinay Sag‘inbayeva (ism-sharifi o‘zgartirilgan) qishloqdoshlarining qimmatbaho narsalarini o‘g‘irlayotganida qo‘lga olinib, unga nisbatan jinoyat ishi qo‘zg‘atildi. Bu ish jinoyat ishlari bo‘yicha Ellikqal’a tumani sudi tomonidan ko‘rib chiqilib, Altinay Jinoyat kodeksining 169-moddasi bilan aybdor deb topildi.
U Ellikqal’a tumani xotin-qizlar ko‘mitasi kafolat xati bilan sud zalidan ozod etilib, kelajakda huquqbuzarlikka yo‘l qo‘ymaslik, fe’l-atvorini yaxshilash maqsadida o‘zi yashayotgan mahalla fuqarolar yig‘ini nazoratiga olingan.
Tuman hokimiyatining “Daryo”ga ma’lum qilishicha, hozirda bolali bo‘lganligi uchun bola tarbiyasi bilan band.
Tuman hokimi o‘rinbosari, tuman xotin-qizlar qo‘mitasi raisi u bilan bevosita shug‘ullanishga kafolat berdi.
— Bunday g‘amxo‘rligi uchun tuman xotin-qizlar ko‘mitasi raisiga minnatdorlik bildiraman, — deydi Altinay Sag‘inbayeva. — Kelajakda bundan tegishli xulosa chiqarib, hayotda o‘z o‘rnimni topishga harakat qilaman.
Izoh (0)