Rossiyaning Kemerovo viloyatidagi “Zimnyaya vishnya” savdo markazida yuz bergan yirik yong‘inda viloyat gubernatori Aman Tuleyevning yaqin qarindoshi — yosh qizcha halok bo‘ldi, deb yozadi “TASS”.
Yong‘in qurbonlarining oilalariga 1 million rubldan tovon puli berilishini ma’lum qilar ekan, gubernator hodisa yuzasidan shaxsan o‘zi ham qayg‘uda ekanligini aytdi. “Afsuski, yaqin qarindoshim, yosh qizcha ham halok bo‘ldi”, — dedi u.
Gubernatorning so‘zlariga ko‘ra, qurbonlarning oilalari bilan psixologlar, ijtimoiy ishchilar va shifokorlar ishlaydi. Ishlar manzilli tarzda olib boriladi, dedi u.
25-mart, yakshanba kuni ro‘y bergan yong‘inda 37 kishi halok bo‘ldi. Yana 64 kishi bedarak yo‘qolgan, deb hisoblanilmoqda.
Izoh (0)