“Qozog‘iston go‘zali” tanlovining finalchi qizlari Navro‘z bayramiga bag‘ishlangan xayriya aksiyalarida qatnashdi, deb yozadi “Nur.kz”. Qizlar maxsus maktabga va qariyalar uyiga sovg‘alar bilan bordi.
Maktab-internat tarbiyalanuvchilariga “Qozog‘iston go‘zali” tanlovi chiptalari sotuvidan tushgan mablag‘lar hisobidan sovg‘alar olindi. Qariyalar va nogironlar uyidagi keksa kishilar uchun ham shu mablag‘lardan maishiy texnika sotib olindi. Qizlar hadyalarni topshirish bilan birga, ular bilan suhbatlashdi, raqsga tushdi.
Nashr eslatishicha, “Qozog‘iston go‘zali” tanlovining final bosqichi Ostonadagi Tinchlik va ahillik saroyi sahnasida 31-mart kuni bo‘lib o‘tadi.
Izoh (0)