Россиянинг Кемерово вилоятидаги «Зимняя вишня» савдо марказида юз берган йирик ёнғинда вилоят губернатори Аман Тулеевнинг яқин қариндоши — ёш қизча ҳалок бўлди, деб ёзади «ТАСС».
Ёнғин қурбонларининг оилаларига 1 миллион рублдан товон пули берилишини маълум қилар экан, губернатор ҳодиса юзасидан шахсан ўзи ҳам қайғуда эканлигини айтди. «Афсуски, яқин қариндошим, ёш қизча ҳам ҳалок бўлди», — деди у.
Губернаторнинг сўзларига кўра, қурбонларнинг оилалари билан психологлар, ижтимоий ишчилар ва шифокорлар ишлайди. Ишлар манзилли тарзда олиб борилади, деди у.
25 март, якшанба куни рўй берган ёнғинда 37 киши ҳалок бўлди. Яна 64 киши бедарак йўқолган, деб ҳисобланилмоқда.
Изоҳ (0)