O‘zbekiston 2002-yildan beri Afg‘onistonga elektr energiyasi eksportini 30 barobarga oshirdi. Bu haqda TIV xalqaro munosabatlar axborot-tahlil markazi direktori Eldor Oripov ma’lum qildi, deya xabar beradi “Podrobno.uz”.
“Oxirgi 15 yil ichida O‘zbekiston elektr energiyasi yetkazib berish borasida Afg‘onistonning ishonchli sherigi bo‘lib kelmoqda. Biz 2002-yildan beri bu yo‘nalishda hamkorlik qilib kelyapmiz. Dinamikani ko‘radigan bo‘lsak, shundan beri O‘zbekiston elektr energiyasi yetkazib berish hajmini 30 barobarga oshdi”, — dedi Oripov.
Mulozim Afg‘onistonga beriladigan elektr energiyasi qiymati 35 foizga pasaytirilgani, 260 kilometr uzunlikdagi “Surxon—Puli-Xumri” elektr uzatish liniyasi qurilishi haqida kelishuvga erishilganini qayd etdi.
Izoh (0)