O‘zbekiston Yoshlar ittifoqi raisi, Prezident Davlat maslahatchisi, senator Qahramon Quronboyev Namangan viloyatining Pop tumanidagi xonadonlarda o‘rganish olib borish davomida Naymancha mahallasida istiqomat qiluvchi 14 yoshli Muhabbat Nurmatovani o‘z otalig‘iga oldi. Bu haqda Ittifoq axborot xizmati xabar bermoqda.
“Shu kuni xonadon tomorqasiga ishlov berilib, 20 tup gilos ko‘chatlari o‘tqazib berildi. Shuningdek, ro‘zg‘or uchun bir qop un va 10 dona tovuq taqdim qilindi. Tez kunlarda esa Muhabbat zamonaviy noutbuk egasiga ham aylanadi”, — deyiladi Ittifoq axborotida.
Qayd etishlaricha, Muhabbatning otasi yetti yil avval Rossiyaga ketib, dom-daraksiz yo‘qolgan. U hozirgi vaqtda onasi va singlisi bilan birga yashab kelmoqda.
Izoh (0)