Ўзбекистон 2002 йилдан бери Афғонистонга электр энергияси экспортини 30 баробарга оширди. Бу ҳақда ТИВ халқаро муносабатлар ахборот-таҳлил маркази директори Элдор Орипов маълум қилди, дея хабар беради «Podrobno.uz».
«Охирги 15 йил ичида Ўзбекистон электр энергияси етказиб бериш борасида Афғонистоннинг ишончли шериги бўлиб келмоқда. Биз 2002 йилдан бери бу йўналишда ҳамкорлик қилиб келяпмиз. Динамикани кўрадиган бўлсак, шундан бери Ўзбекистон электр энергияси етказиб бериш ҳажмини 30 баробарга ошди», — деди Орипов.
Мулозим Афғонистонга бериладиган электр энергияси қиймати 35 фоизга пасайтирилгани, 260 километр узунликдаги «Сурхон—Пули-Хумри» электр узатиш линияси қурилиши ҳақида келишувга эришилганини қайд этди.
Изоҳ (0)