O‘zbekiston tashqi ishlar vazirining o‘rinbosari Abdujabbor Abduvohidov Moskvada Xalqaro munosabatlar davlat instituti (MGIMO) rektori Anatoliy Torkunov bilan uchrashdi. Bu haqda institut matbuot xizmati ma’lum qildi.
Uchrashuvda Toshkent va Moskvadagi muzokaralar davomida bir necha bor muhokama etilgan MGIMO va Jahon iqtisodiyoti va diplomatiya universiteti o‘rtasida hamkorlikni yanada mustahkamlash masalalari ko‘rib chiqildi.
Tomonlar MGIMOning Toshkentdagi filialini ochish, qo‘shma ta’lim dasturlari borasidagi ishlarni izchil davom ettirishga kelishib oldi.
Uchrashuvda O‘zbekistonning Rossiyadagi elchisi Bahrom Ashrafxonov ishtirok etdi.
Izoh (0)