O‘zbekistonlik professional bokschi Qudratillo Abduqahhorov kecha Malayziyaning Kuala-Lumpur shahrida o‘zining navbatdagi jangini o‘tkazdi.
To‘qnashuvda Qudratilloga vengriyalik Laslo Tot raqiblik qildi. 12 raund davom etgan jangda Qudratillo raqibini ochkolar hisobiga mag‘lub eta oldi. Jang yakunlanganiga ko‘ra hakamlar 118-110, 118-111, 117-111 hisobida o‘zbekistonlik bokschining g‘alaba qozonganligini qayd etdi.
Mazkur g‘alaba orqali Qudratillo Abduqahhorov WBC Silver kamarini o‘zida saqlab qola oldi.
Bokschi g‘alabadan so‘ng ijtimoiy tarmoqdagi sahifasida quyidagicha xabar qoldirdi:
Assalomu alaykum, vatandoshlar. Bu bizning g‘alabamiz. O‘zbek xalqining g‘alabasi. Qo‘llab-quvvatlayotganingiz uchun katta rahmat. O‘zbekiston, seni sevaman.Qudratillo Abduqahhorov, bokschi
Izoh (0)