Ўзбекистонлик профессионал боксчи Қудратилло Абдуқаҳҳоров кеча Малайзиянинг Куала-Лумпур шаҳрида ўзининг навбатдаги жангини ўтказди.
Тўқнашувда Қудратиллога венгриялик Ласло Тот рақиблик қилди. 12 раунд давом этган жангда Қудратилло рақибини очколар ҳисобига мағлуб эта олди. Жанг якунланганига кўра ҳакамлар 118-110, 118-111, 117-111 ҳисобида ўзбекистонлик боксчининг ғалаба қозонганлигини қайд этди.
Мазкур ғалаба орқали Қудратилло Абдуқаҳҳоров WBC Silver камарини ўзида сақлаб қола олди.
Боксчи ғалабадан сўнг ижтимоий тармоқдаги саҳифасида қуйидагича хабар қолдирди:
Ассалому алайкум, ватандошлар. Бу бизнинг ғалабамиз. Ўзбек халқининг ғалабаси. Қўллаб-қувватлаётганингиз учун катта раҳмат. Ўзбекистон, сени севаман.Қудратилло Абдуқаҳҳоров, боксчи
Изоҳ (0)